اسکالر شپ سے استفادہ حاصل کرنے کی اپیل

ایکزیکیٹیو ڈائرکٹر کریم اللہ
حکومت ہند کی جانب سے دی جانے والی اسکالر شپ کا اعلانیہ جاری کیا گیا ہے ۔ لیکن اب تک کافی کم مقدار میں درخواستیں موصول ہوئی ہیں۔ جو بھی طلباء و طالبات اسکالر شپس حاصل کرنا چاہتے ہیں۔وہ فوری اپنے فارم بذریعہ انٹر نیٹ ، آن لائن روانہ کرسکتے ہیں۔ ان خیالات کا اظہار آندھرا پر دیش مینارٹی فینانس کمیشن ضلع کرنول کے ایکزیکیٹیو ڈائرکٹر شیخ کریم اللہ نے کیا۔ مزید انھوں نے



بتایا کہ پری میٹرک اسکالرشپ کیلئے درخواست کی آخری تاریخ جولائی 30 تک ہے ۔ جب کہ پوسٹ میٹرک کیلئے آخری تاریخ 30 ستمبر تک رکھی گئی ہے۔ پری میٹرک اور پوسٹ میٹرک رینول کیلئے ستمبر 15 تاریخ آخری ہوگی۔ اسی طرح دس جماعت سے پی ایچ ڈی تک کیلئے درخواست آخری تاریخ 15 ستمبر ہے ۔ جبکہ رینول کی تاریخ اکٹوبر 15 آخری بتائی گئی ہے۔ درخواست گذاران کو چاہئے کہ وہ انکم سرٹیفیکٹ ، آدھار ، راشن اور مارک کارڈ فارم کے ساتھ منسلک کریں۔